Batya KEBUDİBekarlara ilginç bir önerim var aslında! Sonra duyduk duymadık demeyin.`Çok eğlenceli bir gece geçirmek isterim` diyorsanız, yazının devamını okumalısınız…
Refleksyon sovre una lektura por
Elie PERAHYA
Had gadya.. had gadya
Meldar de muevo livros publikados ay de esto mas de 50 anyos i komparar las ideas i los evenementos entre "ayer" i "oy" es una eksperyensa muy interesante.
El eskrivano judyo-fransez André Spire ( 1868) en su livro " quelques juifs et demi-juifs" mos konta la istorya de su amigo Siteneme, briyante administrador de estado, asimilado, enteramente aleshado del judaizmo, ma ke kada noche de pesah se akodra de la atmosfera familyal del seder i del kante "Had gadya, had gadya" el kual personifika el destino del puevlo judyo. Su tendensya a la asimilasyon no pudo todavia atabafar su nostaljia del pasado.
Es un fakto ke las desgrasyas de las kualas muestro puevlo fue la viktima , no parvenyeron a destruir mustro " Judaizmo" ni "los restos de judaizmo" ke se topan en el korason de los asimilados.
Si (malgrado todos sus malores) el puevlo judyo es indestruktivle, esto es probavlemente por ke el Judaizmo es bazado sovre los prinsipyos de umanidad i de verdad ke devemos syempre observar todo en kantando Had gadya... had gadya.... kante a la vez triste i alegre...
