Dora NİYEGOEste anyo komo kada anyo, la konmemorasyon del Holokosto va ser realizada en la komunita djudiya de Estanbol. La noche del 27 Abril, una seremoniya va ser efektuada en la Eskola Djudiya (Ulus Musevi Lisesi). En esta seremoniya el Holokosto va ser reanimado en los ojos de los espektadores.
"El Kamino de los Djustos" (mesilat Yesharim)
Elie PERAHYA
Deskalsos pizaremos esta tyerra santa
No asemeja este kamino a los otros.
Aki es el Santuaryo de los djustos.
De todas las nasyones, aki es el santuaryo.
De la derechedad, de la verdad i djustisya.
Kada arvol simboliza el koraje,
La ermandad i la esperansa.
Aki no figuran ni ombres de sensya,
Ni filozofos, ni dekorados de guerra.
Aki, simbolizados por los arvoles,
Figuran ombres i mujeres del puevlo
Ke, al reziko de sus vidas,avyeron sus korasones
A deskonosidos en perikolo de muerte.
Aki es la repuesta al inferno de Yad Vashem
Aki repozan en pyez los ke no muereran nunka.
Sus puerpos se topan en lugares diferentes
Ma sus esprito kedara aki por la Eternidad.
Deskalsos pizaremos esta tyerra santa,
No asemeja este kamino a los otros
