El Kanton de Alegria
Si; este es el kanton de la alegria, de la luz, de la esperansa.
Estas de alkavo semanas de mued, "Pessah i la delivransa del puevlo Judyo"... "Syervos fuimos en Ayifto, ijos forros devinimos en Israel"... muestra Komunidad se enrikesyo de sinko muevos myembros: tres varones i dos donzellas.
El primer, fuerte i mazalozo, ijo de Vera i Beri Koronyo.
El segundo, poderozo i vertuozo, ijo de muestra kolavoradera Virna i Nedim Gümüşgerdan.
El treser luzyo i venturozo ijo de Roys i Enis Yahya.
La kuatrena ermoza i mazaloza ija de Selin i Ari Kasuto.
La sinkena, venturoza i linda entre las lindas, ija de İrem i David Valansi.
Ke estas sinko vidas sean largas, klaras i fruktuozas, yenas de alegria i de amistad.
