K. P.Martes el 25 del mes de Abril 2006Amanyana la noche, 26 Abril 2006, tendra lugar en el Sentro Cemal Reşit Rey, un konserto muy interesante .No se si personalmente vo pueder asistir, depende de las kondisyones atmosferikas i del estado de salud de mi marido ... ma vos kero avlar del evenemento en si mizmo.
Rav Yeuda ADONİ
Si alguna persona se remarkava sovre su kuerpo algunas yagas ke las nombra en la peraşa de Tazria-Tsaraat. Lepra, despues ke los egzaminava el Koen lo apartava syete diyas de la cente. Lo aziya morar el Koen, un sierto tyempo solo dita persona, en estando solo se aziyo un egzamen de konsensya i buşkava por ke pekado kavzo estas yagas en su kuerpo? Sigun nuestros savyos estas yagas yagavan el kuerpo de el ombre, por kavza de no puederse detener su boka de avlar mal, i kozas ke no konsernan a el.
Siguramente, kuando la persona entendiya. Su yerro, aziya teşuva kere dizir, se arepintiya de su yerro, i tornava a el komino dereço.
El eskapo de el Kriyador de traer a el ombre estas yagas era: de Kreyar en la persona un buena karakter. Kreyar a el ombre de nueva limpyo i bueno.
Por la persona ke fue yagado es diço: No puede tokar la santedad, i no puede vinir a el santuvarya. Asta ke va kumplir los diyas de su limpyeza. De aki nos enbezamos, la persona deve de saver si no se alimpyo de sus enkoniyos, no deve de vinir a la santedad a dita persona ke fue yagado, lo traian a el Koen. La misyon de el Koen era, de bendizir a el puevla kon amistad. El presigiya la pas i muçiguava la pas I la buendad. Kon sus buenos konsejos, kon sus dulses palavras la tornava a el ombre a un buen kamino. En dita peraşa meldamos si sovre la yaga se topava un kaveyo blanko, el koen lo apartava por ke era enkonado. Este verseto de la peraşa, no kere endikar.
El ombre malgrada su edad avansada. Ke sus kaveyos ya se la enblankesyeron, si no esta en un buen kamino, es ke no esta korekto verso el Kriyador, verso su famiya i verso el Kriyador, verso su famiya i verso la cente. No kere diço ke estamos enkomendados de parte de muestros savyos. El ombre deve de tornar a el buen kamino, ainda Kuando esta en sus fuersos.
Şelomo Ameleh en livro Mişle dize: La vida i la muerte de el ombre esta dekolgada en la alguenga. El ombre si enpleya sus avlas para bueno alarga sus vidas si es a la kontra malorozamente danya sus vidas, tambien donya su salud el biervo Tsaraat – Metsora. Ke sinyefika la lepra la entermeten los savyos. Motsi Ra Kitar koza feya de la boka. Kitar fama mala por su serkano.
