Erol SABANİngilizlerin meşhur otomobili Jaguar yeni çıkardığı XK Coupé modeliyle spor otomobil sınıfında ne kadar başarılı olduğunu bir kez daha kanıtlıyor! Bu otomobil dizayn bakımından estetik hatlarıyla asil İngiliz markasının karakteristik özelliklerini gösterirken, içine binildiğinde konfor ve teknoloji bakımından da ne kadar zengin old
Aktividades Syempre Muy rikas en Esforsos i Rezultados en el Espasyo Sefardi Mundyal
Segunda edisyon del livro "En Tierras Ajenas
yo me vo murir"
Es kon una enorme alegria ke anunsyamos la segunda edisyon, en Espanya, del livro "En Tierras Ajenas yo me vo murir" del Dr. Gad Nassi, orijinaryo de Estambol.
A esta okazyon, el 11 Mayo, una resepsyon sera organizada en la Embashada Turka de Madrid, durante lakuala el livro sera prezentado i a la kuala Ministros i vyejos Embashadores Turkos ke se toparan de pasaje en la kapitala Espanyola fueron invitados a asistir. Ansi sera de la parte de la Turkia la primera rekonosensya ofisyal del patrimonyo kultural i linguistiko Sefardi.
Va tambyen asistir a esta seremonia un grupo de 25 a 30 personas de Los Estados Unidos, del Kanada i de la Ingletyerra.
Felisitamos de alma i korason el Dr. Gad Nassi i su kolavoradera Roz Kohen Drohobyczer ansi ke los otros partisipantes por esta ermoza reushita ke onora el Sefaradismo, i les auguramos de syempre lograr i prosperar.
Simposio Sefardi de grande interes en Almanya
Muestro amigo el Prof. Michael Halévy de la Universita de Hamburg, espesyalisto en investigasyones sovre la lingua Sefarad mos eskrivyo para anunsyar ke endjuntos kon su kolega Michael Brenner, professeur en la Universita de Munich ansi ke direktor del Institut de Estudyos Judyos, van a estar en muestra sivdad, akompanyados de 17 estudyantes, del 18 al 23 Junyo.Esto sera un grande plazer para todos kos ke aman muestra lingua etnika.
De mezmo el Profesor Halevy mos anunsya ke del 3 al 6 Septembre 2006, el personalmente va dirijir un kolokyo internasyonal sovre los Sefardies entre las dos grandes gerras i durante la Shoa.
Esto va ser el Primer Simposio Internasyonal sovre la Istorya de los Sefardies Turkos de Evropa Oksidental i va ser organizado por la Akademia Moses-Mendelssohn (Halberstadt) i il Sentro Moses-Mendelssohn (Potsdam),ansi ke por el Instituto para la Istorya de los Djudyos Alemanes (Hamburg) i el Sentro Sefardí de Estambol.
El tendra lugar en la Klaus-Synagogue de Halberstadt. El tema sentral sera: "Djudyos Sefardies Turkos en Evropa Oksidental i los Balkanes entre i durante las dos grandes guerras i durante el periodo del nasyonal-sosyalizmo”.
Los partisipantes seran Haim Vidal Sephiha - Marie-Christine Varol - Nicole Abravanel - Vanessa Pfister - Gaelle Collin - Shmuel Refael - Tamar Alexander – Tuvia Friling - Eliezer Papo - Aldina Quintana - Bernt Rother - Corinna Görgü - Michael Halévy - Rifat Bali - Naim Guleryüz - Karen Sarhon - Salvador Santa Puce - Pablo Asuero Martin.
