Arşiv Reklam Künye İletişim

Distribusyon de Premyos

Juevez pasado la tadre el 4 del mez de Mayo los tradisyonales premyos de "Vertud", "Byenfezensya", "Esforso Intelektual" ansi ke "Esforso Muzikal", a los kualos oganyo fue tambyen adjustado un muevo "Premyo de Medikeria", fueron atribuidos a personas muy meresyentes, las kualas desde largos anyos kon una perseveransya egzemplar ,sin nunka manifestar la mas chika kanserya ni bushkar kualkyer interes personal, kumplieron un lavoro remarkavle, asumido kon asiduidad i fervor.

Judeo-Espanyol
9 Ocak 2008 Çarşamba
Distribusyon de Premyos
Ansi: Suzan Franko del "Ihtiyarlar Yurdu" ansi ke  Zelda Yanni de la Matan Baseter-Barın Yurt partajaron el Premyo de Vertud "Jeanne Elküs".
Leyla Devidas del "Orahayim"  i  Perla Erbeş del "Ihtiyarlar Yurdu" partajaron el Premyo de Byenfezensya  "Josephine Marküz".
El grupo LİMUD enkavesado por "Gina Alkaş" resivyo el "Premyo Kultural"
El "Dr. Musa Albukrek" obtuvo el Premyo de Muzika "Yaşar Parker"
"Mira Kebudi"  estudyante en medikeria  dental resivyo el Premyo "Dr. Yasef Yahya".
Resivyeron tambyen una "Mensyon espesyal de alto merito" por sus intenso lavoro karitativo:
Janet Mayer del "Ihtıyarlar Yurdu" ,
Sara Sezer de la "Mişne Tora"
Av. Ester Zonana del Neve-Şalom Vakfı
Ansi ke komo segunda distinksyon: Leyla Devidas i Perla Erbeş.
Oras de profunda emosyon, de alegria i tambyen de tristeza en el rekuerdo de todas las personas (por la mayor parte) desparesidas  prematuramente, al nombre de las kualas estos premyols fueron distribuidos ... oras ke perpetuan sus memoryas.