Juevez pasado la tadre el 4 del mez de Mayo los tradisyonales premyos de "Vertud", "Byenfezensya", "Esforso Intelektual" ansi ke "Esforso Muzikal", a los kualos oganyo fue tambyen adjustado un muevo "Premyo de Medikeria", fueron atribuidos a personas muy meresyentes, las kualas desde largos anyos kon una perseveransya egzemplar ,sin nunka manifestar la mas chika kanserya ni bushkar kualkyer interes personal, kumplieron un lavoro remarkavle, asumido kon asiduidad i fervor.
Refleksyones rekojidas i adaptadas por
Elie PERAHYA
La ermoza sivdad de Weimar yena de rekordos kulturales, korason de la Almanya aklarada, bivyo durante 7 anyos debasho del umo de los krematoryos kon la mas grande indiferensya.
Georges Semprun
Ombre de Estado Espanyol i grande intelektual
El mas grande pekado: "olvidar". Egzistaran Judyos tanto ke se akodraran.
Simon Wiesenthal
Todo pasa komo la agua de un rio koryente, el savyo es el ke save kedar en medyo.
Confucius ( 553놧 b.c.)
Si saviamos!... kuando se save ya es muy tadre
Edouard Bourdet
(eskritor Fransez 1887)
