Myerkoles el 28 del mez de junyo, una ekspozisyon de fotografias mostrando fragmentos de la Vida Judia en el Imperyo Otomano i la Turkia aktual fue avyerta en el foye del Konsilyo Parlamentaryo Evropeo.
Rav Yeuda Adoni
Dizde ke muryo Miryam, se eskuvryo el pozo de agua ke kaminava kon el puevlo. Topandosen agora el puevlo mankos de agua, se rekojen todos sovre Moşe Rabenu i Aaron i toman a pelear kon Moşe Rabenu porke los Kito del Ejipto i los yevo a este dizyerto ke no ay nada de bueno ni mismo agua para bever.
Moşe Rabenu i Aaron AKoen se deskorajaron munço de esta revolüsyon. Komo ke se fuyeron del puevlo i se entraron a el templo.
En el Mişkan, se les aporesyo la ovra del todo poderozo i dişo el Kriyador, a Moşe Rabenu ke rekojgan a todo el puevla i ke digan a la penya ke les amostro di ke Kitara agua, i ke bevan todo el puevlo, eyos i sus bestyos.
Moşe Rabenu tomo la vara sigun le enkomendo el Kriyador i rekojendo a todo el puevlo delantre la penya.
Les dişo Moşe Rabenu kon ravyo: Sintid, reveyadores, kereş ke de estados vezes kon su vora a la penya, i solyo agua abondansa i bevyeron todo el puevlo i sus bestyas.
El Kriyador ke apunta kon los buenos asta el altimo grado, no topo custo este konporto de Moşe Rabenu i Aaron AKoen seya por lo ke se aravyaron kon el puevlo i los tratoron kon palavras fuertes, seya por lo ke se fuyeron del puevlo i no tuvyeron konfiensa enel Kriyador ke tyene el poder de azer unos milagros delantre todo el puevlo por onde no pensan. Sovre esto les dize a Moşe Rabenu i a Aaron AKoen ke por este pekado ke kometyeron no vana ser meresyentes de troer a los ijos de İsrael a la tyera prometida i ke deven murir en este dizyerto.
El puevlo Cudyo arivaron a una montonya nombrada OR AAR. En este luguar les dişo el Kriyador a Moşe Rabenu i a Aaron AKoen, syendo ke Aaron nove entrar a la tyera pormetida por el pekado de los aguas kon esto ke se apronte para murir i esportirre de este mundo i le dize de Moşe Rabenu: Ke tome a Aaron i a Elazar su ijo i ke los suva a lo montanya OR i ayi ke lo aga deznudar a Aaron de sus vistidos de Koen Gadol i ke los aga vistir a Elazar su ijo i Aaron ke se rekojga i Muera ai.
Moşe Rabenu izo el komando del Kriyador i suvyeron los tres a esta Montanya delantre del puevlo entero. Los deznudo a Aaron i lo vistyo a Elazar i muryo Aaron AKoen en la punta del monte. İ todo el puevlo de İsrael lo yoraron i lo endeçaron 30 diyas.
