Klara PERAHYABaruh Pinto vyene de publikar un treser livro de dokumentasyon sovre la diaspora Judia, lavoro istoriko sinoptiko de una perspektiva bastante ancha, bazado sovre kavzos absolutamente otentikos i ke mos da una vizyon global de lo ke fue a syertas epokas, en diversos lugares del mundo, el suerte del puevlo judyo.
Refleksyones i kavzos rekojidos i adaptados por
Elie PERAHYA
Ansi avla el Dyo Baruhu
“Ke el savyo no se glorifike kon su saviduria, ni el barragan kon su fuersa, ni el riko kon su rikeza. Es al “Derecho” i a la “Justisya” ke yo tomo plazer.
Profeta Yirmiyahu 9/22ᆫ
Puevlos korajozos
No mos olvidaremos del fakto sigyente en los tyempos de la Shoa:
A la demanda del ministro de los echos estranjeros Alman el nazi von Ribbentrop, de livrar le los Judyos, su homologo Filandez,el Sinyor Witting, sostenido por el Kapo del Estado el Mareshal Mannerheim respondyo: “La Finlanda” es un payis onesto, preferamos murir kon los judyos i nunka vos los livraremos”.
Avia en la armada finlandeza ofisyeres Judyos de alto rango ke devian (sigun los akordos) ser saludados por los ofisyeres Almanes
No mos olvidaremos tambyen un otro payis, el Danemarka, del kual el Rey Christian amenaso de yevar el mizmo la estrea amaria si esta ovligasyon era impozada a los judyos.
Adjustaremos aktos de bravura de syertos ofisyeres de la armada Italyana ke salvaron numerozos Judyos.
Claude Levy i Paul Tillard
(La grande rafle du Vel d’Hiv)
