A brasos aviertos, asperamos Barenboim i su multinasyonal orkestra en EstambolEsti SAULKomo en el tiempo de Marko Polo se avia fraguado un ponte entre las kulturas del ekstremo oriente i del oksidente, una orkestra yamada "Doğu Batı Divânı" mos amostra ke es posivle de bivir endjuntos kon armonia!..
En 1999, en la Alemania (Weimar), el reputado pianisto i shefe israeliano Daniel Barenboim i el famozo filozofo palestinyano Edward Said (z.l.), se adjuntaron para formar una orkestra senfonika i grupar 110 jovenes de 17 paises diferentes.
El sukseso de sus 3 CDs i DVDs i sovre todo sus konsertos en Victoria Hall en 2004, i en Ramallah, Palestina, en 2005, los izo konoser al mundo artistiko, de la Evropa a la Amerika.
En esperando gozar de sus repertorios i oyerlos interpretar "La Fuersa del Destino" de Verdi, apresiamos la fuersa de sus esforsos para la 'Paz Mundial' ansi ke este projekto del 'Istanbul Kültür ve Sanat Vakfı'.
Grasias!.
