Marsel RUSSOTürkiye kamuoyunun Lübnan`a asker gönderme konusunu tartıştığı şu günlerde, bu ülkenin günümüze nasıl geldiğini ve şu anda yaşamakta olduğu sıkıntıların kaynağını irdelemek ve kaldığımız yerden devam etmek, Lübnan gerçeğini anlamak adına önemli...
El teksto ke vo prezentar oy, lo meldi en la revista “LOS MUESTROS.” Es eskrito por el Gran Rabbino Moshe M. Levy. Este artikolo, preparado a la okazyon de la fyesta de Rosh Ashana, en el anyo 2000, kontyene tambyen, syertos pasajes, ke yo, personelmente, topi muy enteresantes. Tomando fuersa de la permisyon amavle, akordada por la direksyon de “Los Muestros,” esto transferando aki syertos paragrafos del sovredich o teksto. No penso relatarlo integralmente, achakes de mi lugar limitado. En akurtandolo, me permeti solamente de trokar el orden, i modifikar la ortografia, para akordarla a la ke uzamos aktualmente en el “ŞALOM.”
ROSH ASHANA 5761 (ƥ)
Muestro Kalendaryo i bushkidas de los jeologos
Coya DELEVİ
“...Mozotros prezentes en la Sinagoga, al servisio relijyozo de la maniana de Rosh Ashana, repetamos la mezma tradisyonal proklamasyon:”AYOM HARAT OLAM.” (Oy fue kreado el mundo.)
“Malgrado el progreso de la sensya, mozotros no podemos provar sientifikamente ke el mundo no konta ke solo sinko mil setesyentos i sesenta i un (5761) anyo (Ʀ) de edad. Los jeologos ke estudiaron l’evolusyon de las krostas de la tierra (yeryüzünün kabukları) dizen ke la tierra konta sentenas (yüzlerce) de miliones de anyos. Los doktores de La Ley, admeten ke antes de este mundo, uvyeron otros mundos ke lo pressedieron (ondan evvel gelen). Por siguro, la tierra konosio buleversamientos katastrofikos de vasta envergura, de natura a ebranlar las bazas de la tierra (dünyanın temelini sarsan, geniş çaplı felaketler), i la djente pensaron ke era la fin del mundo.”
“El Kalendaryo Djudio, se baza sovre las datas i las edades de la kreasyon desde los anyos ke bivio Adam, asta la proklamasyon de la Ley en el Monte de Sinai, ke tuvo lugar el 6 de Sivan del anyo 2448 de la kreasyon del mundo, ( komo lo sintimos a la lektura de la Ketuba de la Ley, en diya de Shavuot) i asta la muerte de Moshe Rabbenu.”
“ Meldando una oja de un jurnal, ambezi ke un grupo de ombres, versados en la medisina (tıpla uğraşan), toparon ke el ombre es kompuesto de sentenas de miles de partikules. Esta deskuvyerta va permeter de melezinar (tedavi) hazinuras komo, diabet, el kanser, l’hemofili i otras hazinuras eredadas de padre a ijo. Mozotros rendemos lores al D. ke da kon tanta jenerozidad la sensia, l’intelijensya i el saver a djente ke se devuan por el byen de la umanidad...”
“Karos lektores, Rosh Ashana, yamado Yom Azikaron, fue instituido por akodrarmos ke el mundo fue kreado por volontad de Dio. Ke solo el governa i dechida de su evolusyon. Ke, el ombre, kon todo su saver, i intelijensya, no tyene el poder de trokar sus evolusyones. El D. desha al ombre la libertad de bushkar i deskuvrir los sekretos de la natura, a observar. Ma, no tyene, ni tiendra el poder de trokar sus movimientos.”
“Malorozamente, el ombre esta korrompyendo (yozlaştırmak) la natura par sus ambisyones egzajeradas. Estamos vyendo a la T.V., tonas de peshkados muertos en la mar i en las rivieras. L’ambisyon del ombre inkonsiente, es tala, ke rendieron las vakas “lokas”, bushkando a render karnivor (etobur), las bestias ke son herbivor(otçul). De una vanda vemos el devuamyento del ombre por salvar las almas, de otra vanda, por dezeo inassuvivle (aç gözlülük) de la rikeza, esta entosegando la natura. Por konsekuensa, la vida del ombre.”
“La fyesta de Rosh Ashana, komo el diya de Kippur, mos envita a orasyonar, por kurar
muestra konsensya i tener konfiensa en D., muestro Kriador. La orasyon echa kon fervor, es un manadero (kaynak) de enerjia ke egzalta la alma. La vertud es el rezultado de los esforsos personales. Elevaremos en este Rosh Ashana, muestras orasyones kon korason limpio, l’imno a la gloria de D. Kriador del sielo i de la tierra. Sea su buena veluntad de agradesermos i djuzgarmos komo un padre kerensyozo kon sus ijos. Eskrivirmos en el livro de salud, i de vidas largas, en la serenidad, la paz en el mundo.”
“Una de las Mitzvot, ke la Tora mos preskrivyo por el diya de Rosh Ashana, es de sintir el shofar. A kada vez ke sintimos esta boz, dezimos:” AYOM HARAT OLAM.” Oy mozotros selebramos l’evenimiento ekstraordinaryo de la kreasyon del mundo. Les auguro ke la mueva anyada seya abondante de luz i de favores divinas. Amen. TIZKU LESHANIM RABOT.”
Manadero: Gran Rabbino Moshe M. Levy.
(1*DŽ*)-El lektor deve tomar en konsiderasyon, ke el teksto orijinal, fue redijido en el anyo 2000. C.D.
P.S- Esto mandando a todos amigos i lektores mis sinseros suetos a la okazyon de la mueva anyada 5767. Rogaremos ke trayga la paz i el repozo al mundo entero. Amen. Coya Delevi.
