Viktor APALAÇİDominik Moll çağdaş burjuva çiftlerin yaşamına gizemli bir yabancıyı sokma alışkanlığını sürdürüyor.Genç Fransız yönetmen, uyum içinde yaşayan ailelerin içine karışan yabancının o ailelere dünyayı zindan etme öykülerinin ikincisini “Kuzey Faresi” ile anlatıyor. Çürümüş
Rav Yeuda ADONİ
En Roş Aşana mozotros fyestamos el aniversaryo de la kreasyon del mundo i de el hombre. Tambien es un diya konsakrado a las orasiones, i a el arepintimyento de los defektos ke kometimos anyo entero. Nos arekojemos en las sinagogas, delantre del todo poderozo por rogar las piadades del Kriyador de retornar al buen kamino. Al kamino ke nos amostra la Tora. Ubaharta bahayim el kamino ke nos yeva a las vidas la Teşuva –akseptar los yerros, deşarlos, i no repetarlos es lo ke envelunta el Kriyador.
La boz del Şofar nos aze despertar las sintimyentos de Tornar a el kamino dereço, de deşar los defektos i enraigar la fey en nuestros korasones.
En los dos diyas de Roş Aşana meldamos en la lektura de la Tora, el nasimyento de Yitshak Avuni ijo de Avraam Avinu i nuestra madre Sara.
El Kriyador prova a Avraam Avinu; de ayegarlo por sakrefisyo a su ijo regalado i estimado. Avraam Avinu sin ezitasyon apresura a reinçir el komando de dyos. El Kriyador ke ya konosiya la estima ke teniya verso el le aparese un barves i lo ayega Korban. Este sensero fakto fue para nozotros, a el puevlo cudya piadades. Ke por este zehut nos manparo el Kriyador miles de anyos. Este pasaje de la Tora fue kompozo do por tres ermanos. Avos, Yeuda i şemuel por un PİYUT nombrado ET ŞAARE RATSON ke lo resitamos primer diya de Roş Aşana. Tambyen el PİYUT im afes ke lo resitamos en los selihot i segundo diya de Roş Aşana kontiene ansi el sujeto defakto de Avram Avinu. Ke fue kompozado por el renomado Rabenu Efraim Bar Yitshak Hazak.
El Kriyador ke nos resiva nuestros orasyones ke vamos a azer Roş Aşana i Yom a Kipurim ke nos eskriva en livros de vidas I ke nos de una anyada buena
TİZKU LEŞANİM RABOT.
