Av. Nusret Kadri SOYCANBu haftaki sayımızda okurumuz Avukat Nusret Kadri Soycan`ın derlediği araştırmaları, anıları ve düşüncelerini içeren metnini yayınlıyoruz. Soycan, anılarından yola çıkarak, bir dönem Edirne Yahudileri`nin tarihini, 1934 Trakya olayları ile II. Dünya Savaşı ve gölgesindeki gelişmeleri değerlendiriyor
Rav Yeuda ADONİ
La fyesta de Sukot ansi es mansyonada en la Tora: Al kinze de este mez seteno sera la fyesta de las kavanyas por syete diyas a el kriyador. İ tomareş para vozotros en el primer diya el fruto de algun arvol ermozo, ramas de oroyo, ke es el etrog el lulav, murtas i aravot i vos alegrareş delantre de Dyos syete diyas i fyestareş a el Kriyador syete diyas en el anyo.
En kavanyas (suka) munço syere anyos para ke sepan vuestras jenerasyones ke en kavanyas yo ize morar a los ijoz de İsrael kuando los kiti de Mistrayim.
Morar en la Suka las syete diyas de la fyesta de Sukot, es una enkomendansa muy sakra. Bien aventurado el puevlo cudyo ke afirma esko enkomendansa.
La suka manpara o el ke mora, kome i estudya la Tora en eya komo abriga una madre a sus kriyos abaşo sus alas. En la fyesta de Sukot tomamos el etrog el lulav, la murta i la arava i orasyonamos i damos loores a el Kriyador.
En esta fyesta somos ovligados de alegrarmos todos encuntos nuestro famiya i los menestrezos.
El cudyo en la fyesta de Sukot deşa su kaza i se abriga en el Kriyador. Komo esta diço en el Şir Aşirim de parte de Şelomo Ameleh Eviani el Bet Ameleh fui traido a la kaza de el rey. Aki mostra la amistad del Kriyador.
El etrog asemeja a el korason de el ombre, el lulav a la kolon verteblal, la murta a los ojos de la persona, i la arava o los lavyos. Komo esta diço kontada mi persona devo dizir o dyos ken komo ti?
El ombre alkansa a la alegriya komplida kuando se dezbarasa de los visyos de el mundo i se apega kon las enkomendansas de Dyos.
