Marsel RUSSOBu haftaki geniş-açı bölümümüzde Marsel Russo, son dönem içinde gelişen birtakım güncel siyasî olayları ve günümüz antisemitizmini değerlendiriyor
Jornadas para diskutir sovre el Itinerario del Kastilyano
Karen Şarhon i Naim Güleryüz fueron invitados a partisipar al kolokyo ke tuvo lugar en San Millan (Espanya) sovre el itineraryo de la lingua kastilyana, baza inisyal del Judeo Espanyol.
Eyos partyeron Juevez el 5 del mez koryente, endjuntos kon Dr. Pablo Martin Asuero Direktor del Instituto Cervantes.
El tema prinsipal es el estudyo de la evolusyon del Kastilyano medyeval en diversas partes del mundo.
Karen mos dara un ancho kuento rendido a su retorno.
La kompozisyon muzikal “La Dama Misteryoza” de Alper Almelek en la Final de las “dyez mijores kantikas” en Rishon Letsion
La kompozisyon muzikal entitolada “La Dama Misteryoza” de muestro korelijyonaryo Alper Almelek, sovre un teksto de Liora Kelman, ke entro, depues de una grande eliminasyon, en el grupo de las dyez mijores kantikas, va partisipar al konkorso final “Festiladino” ke tomara lugar en el koryente de esta semana, en Rishon Letsion.
Karen Gerşon-Şarhon i İzzet Bana seran los egzekutantes i prezentadores de la ovra.
Reushita buena a Alper Almelek, Liora Kelman, Karen Şarhon i İzzet Bana.
