Dora NİYEGOEn el anyo 1933, kon la propozisyon del direktor jeneral de UNESCO, Federico Mayor, el sinko de Oktobre fue akseptado komo Diya de Maestras en el mundo entero. Ma agora, en munchos payises, este diya se esta selebrando en diferentes datas. En la Turkiya, kon la propozisyon de Atatürk, el ventikuatro de Novembre fue fiksado komo Diya de Maestras.En este diya, el mas ermozo mesaje ke una maestra kere resivir es: ‘Estomos apresiando tus eforsos!`. Ma maloroz
Rav Yeuda ADONİ
İ salyo Yaakov de Beer-Şeva i partio a Haran. A kon este verseto enpesa la peraşa de la semana, i ansi enpasa tanbyen la istorya del viaje de nuestro patriarka Yaakov al egzilo. El deşa su ko za i sus parientes, sus keridos i salo al "Galut" Diaspora.
En su viaje el estasyona siendo se eskuresyo el sol. En el Talmud se enbezaron ansi: Yaakov por primera vez i sus ijo al avenir kuando fueron ovligados de kitar el payis para el Galut es komo se eskurese el sol i enpesa los diyas obskuros. La eskuredad terrivle de la diaspora apezga sus ojos.
Las diffikultades del ajeno los desrepozan a la persona tanto ke le parese ke la vida non kontinua mas por el. Dospues de anios a su retorno de este viaje longo yena de diffikultades, aklaro el sol.
Demandan nuestros savyos es ke solo a Yaakov aklaro el sol? Sino ke todos los anyos ke el se topava leşos de su famillia, no remarko las ermuzuras de la natura, no vido la klaredad del sol.
Para el fue uno noçe larga i eskura. Ma kuando torno el a su patria i a sus paryentes enstonses el se sintio ke esta bivyendo, i enpeso a tomar plazer de la vida i de las ermuzuras de la natura, del sol.
La lejenda nos save kontar ke Yaakov salio al viyaje kon munço dinero, ma Elifaz ijo de Esav kon la komanda de su padre persigyo a Yaakov a matar lo i tomar le vengansa.
Yaakov le dize a Elifaz: Si me tomas todo el dinero ke posedo es komo me mataras, i ansi kumples el orden de tur padre i en no matando me, porke el riko ke perye i todo su dinero es una sorte de muerte. İ ansi kedo prove i abatido. El also sus ojos a los syelos i demanda kon grande fey el ayudo de su kriador. Este fey i esta orasyon de dyo a Yaakov la fuersa moral i la enerjia fizika de pueder rezistir 21 anyo en el ajeno kon grande dezeo de arrivar a la fin a la tierra de sus avuelos. El puevlo Cudyo desendyentes de Yaakov kon mizma orasyon i mizma enerjiya kontinuo la vida en la diaspora. İ no se olvido ninguna vez la tierra de sus avuelos.
El orasyon por la pas de el lugar ke el bive ma de otra parte su orasyon era tanbyen por el avenir del puevlo en su tierra.
