Doç. Dr. Hrisi (Levi) Bahar, uzmanlık eğitimini tamamladığı, 1992 yılından beri İstanbul Üniversitesi, Cerrahpaşa Tıp Fakültesi, Mikrobiyoloji ve Klinik Mikrobiyoloji Anabilim Dalı`nda akademik çalışmalarını sürdürmekte... Geçtiğimiz ekim ayında doçentlik ünvanını alan Hrisi Bahar ile, hayatı, çalışmaları ve gelecek &#
Geografia Linguistica del Judeoespañol
K.P.
Muestro amigo Jean Carasso de Fransya , Fundador de la revista “La Lettre Sépharade” aktualmente publikada en la Amerika, mos mando una chika notisya sovre un “monumento” linguistiko ke vino de ser editado.
Se trata de una tezis de post-doctorato, de grande kualidad, prezentada por Aldina Quintana Rodriguez, profesora en la Universidad Bar Ilan de Israel, ovra intitolada “Geografia Linguistica del Judeo-Español”.
La autora analiza las variasyones del Judeo-Espanyol en el espasyo jeograflko ansi ke la evolusyon de la lingua segun su enkaminamyento i tambyen los detalyos linguistikos ke identifikan un “Judeo-Espanyol avlante” de Estambol, Salonika o Plovdiv. Eya bushko igualmente en ke se diferensya el vokablo de las varias klasas sosyales, i en mizmo tyempo la influensa ke egzersan las tradisyones o las transformasyones sosyales sovre la avla sefardi, etc... etc...
Aldina Quintana Rodriguez analiza tambyen los kambyos ke se topan en muestra lingua etnika, i komo se entrelasan entre si.
Eya kompleta su lavoro kon 93 mapas linguistikas analizadas en sus estado entre los anyos 1850 i 1940.
De una envergadura majistral , esta ovra es dinya de las mas grandes bibliotekas i giara munchos investigadores en sus bushkidas lenguistikas.
Un Orozo Evenemento
Es kon grande alegria ke anunsyamos el Bar-Mitzva de Ari Konfino ijo de muestra kolavoradera Sibel i Sami Konfino.
Ombre de buena ventura ke syempre sea el, mazalozo i provechozo para sus keridos i su entorno.
Muestras kalorozas felisitasyones a Sibel i Sami Konfino i muestros sinseros suetos a Ari.'
Un Festival de Eskritores de Estambol a la Memorya de Prof. Jak Deleon
Un Festival ke tendra komo tema jeneral “Estambol” en sus multiples aspektos, sera organizado por BÜHED (Boğaziçi Üniversitesi Mezunlar Derneği) en data del 13 i 14 del mez koryente en “Darphane – İ Amire”, en omenaje a la memorya de Jak Deleon, autor el mizmo de multiples livros sovre el mizmo sujeto.
Todos se akodran el entuzyasmo ke resentiya el defunto por esta grande i tan interesante metropolis ke es Estambol, en su variedad jeografika, su rikeza arkeolojika i artistika, komo tambyen en su vida mundana, sus bares i sus restorantes.
Rekuerdo postumo dedikado a un grande idealisto ke kanto en sus ovras kaji kon fervor la ermozura de muestra inkomparavle sivdad.
