Dora NİYEGODiya de Alhad, mos fuimos a ver un filmo Israeliano ‘Ushpizin` en la eskola djudiya ‘Ulus Musevi Lisesi` en Estanbol. Direktado por Giddi Dar, este filmo resivio el Premio del ‘Mijor Filmo del Anyo` en Israel en el anyo 2004. (De aki estomos remersiando a los ke estan penando para trayermos tantos ermozos filmos i organizarlos en la eskola djudiya kada mes).
LA HUENTE
Refleksyones rekojidas i adaptadas al Jud. Esp. por
Elie PERAHYA
Todo modo de aksyon umana empeso por ser un sonyo .
Theodore Herzl
Reushimos a realizar kozas imposivles, ma reushimos manko byen a realizar kozas posivles.
Itzhak Rabin
(sitado por François Mitterrand)
Orozo el ombre ke topa una mujer devuada a su famiya i a su entorno. Eya avre su mano al prove i al menesterozo.
(Proverbyos del Rey Salomon)
El momento prezente es yeno de todo lo ke puedra advenir en el futuro
(adaptado de una refleksyon de André Gide)
