Dora NİYEGOEl selebre historiano Stanford Shaw muryo en el diisesh de este mez. En el diziocho de Desembre, diya de Lunes, Shaw fue enterrado en el Simeteryo Ashkenaz, en Ulus, duspues de la seremonia de los funerayes ke fue akomplida en la Sinagoga de Ortaköy en Estambol. El Grande Rabino Ishak Haleva, El Prezidente de la Komunitad Djudia, Silvyo Ovadya, sus asistentes i el Historyano Ilber Ortaylı asistieron a la seremonia.
Refleksyones de Elie PERAHYA
Dar sin resivir es el propyo de ombres de muy grande valor.
(B.Y.)
Resivir sin dar es avrir la puerta a desgrasyas i malores.
(B.Y.)
No es porke se troka de jaketa ke se puede mijor defender una idea.
(B.Y.)
Mas se tyene amigos mas se tyene sirkunstansyas... mas ay sirkunstansyas mas ay posivilidades para una vida rika en evenementos.
(B.Y.)
