Dora NİYEGOLa emigrasyon de los djudios de Libano fue diferente de los ke emigraron de los otros paizes arabos. Los Arabos Kristianos siempre tuvieron buenas relasyones kon los djudios de Libano. Ma duspues de la Gerra de Kippur, munchos djudios se sintieron ke estan en peligro i por esta razon emigraron a Fransia, Italia, Angleterra i a Amerika. Munchos Libanezos ya estavan enstalados en Israel del anyo 1967. En el anyo 1974, la situasyon ya estava deteriorada i aviya kedado 18
Ninet BİVAS
Es una chika sivdad ke tuvimos la oportunidad de vijitar la semana pasada. Situada entre las montanyas de Norte Galil, a 900 metros del nivel de la mar. En la derecha se ve el Golan, en el norte el Hermon kuvyerto de inyeve i en el sud Tiberias. Tsfat es una de las kuatro sivdades santas en la tierra de İsrael. Las otras son: Yerushalayim, Hebron i Tiberias. La legenda mos konta ke los inyetos de Noah Shem i Ever izyeron una yeshiva en esta sivdad ande Yaakov Avinu estudyo munchos anyos. La sivdad se konstruizo en el anyo 70, el anyo ke los Romanos derokaron Yerushalayim. En el 16 en siglo kon la ekspulsyon de Espanya munchos savyos fuyendo la enkizisyon toparon refujio en Tsfat. En estos tyempos la sivdad era el sentro spiritual del Judaizmo. La Kabbalah teniya una grande influensa. Los Kabbalistos komo Rabbi Shlomo Alkabetz (Lecha Dodi), Rabbi Yosef Karo (Shulchan Aruh) son unos kuantos ke izyeron sintir el nombre de la sivdad. En el anyo 1578 por la primera vez en el kontinente de Asia el primer livro en Ebreyo se emprimo. Tsfat sufriyo de tremblamyentos de tierre i de los atakes de los Arabos en los siglos siguientes.
Tsfat es una sivdad de artistos. En todas las partes se puede ver galerias de artistos. La ermoza lokalida, el aver limpyo, el panorama de las montanyas tyene una atraksyon spesyal para los artistos. Es un lugar ande el este se rankontra kon el oksidente. Se konseja a todos ke keren ver esta differensa de vijitar esta sivdad.
