Dora NİYEGOLa semana pasada, en Estambol, se djugo el filmo ‘The Passion of Joshua the Jew` direktado por Pasquale Scimeca, kon el titro de ‘Cile`en Turko.
Coya DELEVİ
Oy es el diya del amor, o, diremos, el diya de los enamorados. Se eskrivyo, se avlo, se izo filmos, kantikas, poezias sovre el sujeto. Afilu yo, en munchas okazyones, eskrivi. Mas kualo puedo topar de muevo o de orijinal? La verdad, no se!..El amor tyene munchas fachas: alegriya, sufriensa, traisyon, selo, olvido, lagrimas i arrepentimyento...Ma, orozamente, ay tambyen, abnegasyon, sinseridad i felisidad...
Ay amores literaryos, trajikos komo el de Roméo i Juliette. Ay amores istorikos, o grande amores lejendaryos, ke azen abandonar el trono, komo fue el kavzo de Edward VIII i Mme. Simpson. Estos son ilustros...Ma, ay amores, ke, sin ser selebros, son i eyos tambyen, muy grande i turan una vida entera...İ penso, son estos amores ke forman la mayoriya...
Unos son imposivle, komo en mi poezia:
EL PUNTO FİNAL
Me djurates amor eternal,
Portanto, fui yo ke meti,
El punto final...
Tu, freska kom’una flor
En su ramo...
Yo, en el otonyo de mi ardor,
Dime komo?...
Puedo dezirte “Te amo!”?
Lo se, va ser fuerte de auzar,
La espartisyon me va kemar,
Te sueto muncha felisidad,
Kon un amor de tu edad...
Febrero- 2007.
En vezes digo tambyen, ke el amor es:
PASHARO O SHANS?
Penso, todo ombre o mujer,
Deve saver, i byen saver,
AMOR es djugo de shansa...
Ay ganar komo ay pyedrer,
İ, syempre no se alkansa,
A ser amados o a kerer...
Ma, k’esto no te dezespere!
Avra un korason ke t’espere.
Es tambyen pasharo el AMOR,
Bushka kon fervor i kon ardor,
Ande un diya puede pozarse,
Sin tener dezeo mas, de bolarse!...
Febrero
