Refleksyones i imajes rekojidas i adaptadas por
Elie PERAHYA
Testimonyo de Violette Mayor Fintz (Isla de Rodos) del livro “Los sefardies i el Holocausto “ de Salvador Santa Puche.
“....El vyernes por la manyana akompanyava a mi padre i mi ermano asta el banyo Turko ke era el lugar de reunyon de toda la komunidad Sefardi, i despues al merkado para komprar lo nesesaryo afin de aprontar la komida de Shabat, lo ke era, me rekuerdo, muy karo i es por esto ke kompravamos solo peshkado o karne.
Kuando yegavamos a kaza, topavamos mi madre organizando kaji syempre la sena de Shabat a la kuala partisipavan mis avuelos i mis tiyos. Entre los platos ,todos kantavamos en koro zemirot i kantikas alegres de bendisyones :”Ya kumimos, ya bevimos. I al Dyo bendizimos, ke mos dyo i mos dara Pan para komer i Panyos para vestir.Ke el Dyo mos oyga i mos arresponda, Amen!
