Klara PERAHYALa semana pasada se selebro el dia de la mujer, manifestasyones fueron organizadas, artikolos muy interesantes i judisyozos paresyeron en la prensa, entre otros en esta mizma pajina debasho las sinyaturas de Coya Delevi i Şeli Gaon.
Aparejos de Pesah
En dos o tres semanas fyestaremos la Salida de Ayifto ke simboliza “la importansa de la Libertad”. Syervos aviamos kaido a Paro, ma el “Bendicho sea su Nombre” mos salvo de la servidumbre i es ijos forros ke sigyeron Moshe Avinu en el dezyerto.
En las kazas Judias kalhamira, en las ovras komunitaryas grande aktividad, kartas i prezentes a mandar afin de asegurar el ayudo a personas en apreto, proyektos yenos de amor i de kerensya los unos por los otros.
Bendicha efervesensya dadera de vida i de alegria.
