Dora NİYEGOEl otro diya partisipi a una konferensia sovre el opital Hadassah en Yerushalaim. En enterlokutor mos disho ke kreaturas hazinas Palestinianas ke sufren de kanser estan viniendo al opital Hadassah, por kurarsen, pormodo las imposibilidades en sus payis. Estas kreaturas Paestinianas estan partisipando a las seansas de terapia kon los hazinos Israelianos. Las famiyas de las dos partes, se estan ayudando de parte a parte. El enterlokutor mos amostro fotografias de los pa
Klara PERAHYA
Es ke kale absolutamente ser relijyozo
para estudyar el Talmud?
Los verdaderos Maestros de la Ley vos
diran: “Ya savesh byen ke no:
La revista Franseza “İnformation Juive” mos anunsya la publikasyon de un un livro sinyado por Francis Weill, intitulado “L’Ethique Juive en dix Paroles”.
La entrevista kel jornalisto tuvo kon el eskritor mos parese byen interesante i mos permetemos de azer el rezumen de syertos pasajes afin de prezentarlos a muestros lektores:
A la kestyon: “kualos son los mas grandes prinsipyos morales del Judaizmo”, el autor respondyo espontaneamente.:
1) “El dever imperyozo de prezervar la Vida, primer prinsipyo de muestra Ley”,
2) “El Monoteizmo, fundamyento de muestra relijyon”,
2) “El Prinsipyo de libertad, simbolizado por la salida de Ayifto i la akseptasyon del libre arbitro”,
4) “La Justisya ke es la palavra la mas utilizada en la Biblia”,
5)“La prezervasyon de la dinyidad umana, visto ke segun la ley judia :azer reproshes a kualkyer persona delantre los otros es komo matarla”,
6) “La Tsedakah, ke es en mizmo tyempo Justisya i derecho del prove, lo ke egzije urjensya i diskresyon”,
7) “La kompasyon ke se topa en la kerensya por muestros proksimos”,
8)”La moderasyon ke elimina todo modo de ekseso”,
9) “La modestia, syempre utilizada kon moderasyon”,
10)“El Universalizmo. Todo en muestra Ley mo lo rekomenda”. (fin de sitasyon)
Si todos los payizes, grandes komo chikos, observavan este kodigo de moralidad, si todas las relijyones la ensenyavan sin dogma ni grandes seremonyales, si todos los ombres (los estudyados komo los illetrados) se konformavan a el, el destino del mundo iva por seguro ser diferente.
Deke orijen ke seamos, mos ambezaremos a ver los otros komo kriansas a lo manko iguales a mozotros, kon sus problemas, sus menesteres, sus dezeos i sus derechos igualmente importantes ...achetaremos ke no semos los solos posesores de la Verdad...mos ambezaremos a Oir i a Mirar sin solo bushkar lo ke mos konserna i mos konvyene...
Ay tantas kozas a ensenyar a los ninyos... “a nada olvidar” por seguro, ma tambyen “a saver trespasar los intereses personales ”, “a saver eskojer i konservar en muestra memorya no solo lo ke mos aprovecha, ma tambyen lo ke responde a muestro senso de la justisya”, “konservar lo ke es primordyal sin undirlo en una multitud de prinsipyos kadukes”.
