Dora NİYEGOLa kuzina (el mupak) fue el lugar ke muestras madres pasavan la mas grande parte de sus vidas.Antes, en las komunidades sefaradis, la kuzina era el magazen de la mujer. Es aya ke eya puediya amostrar sus talentos para pueder ganar el estimo i el amor de su marido.
Ninet BİVAS
El filmo kurto de Ari Sandel gano el Oscar de los fimos kurtos en Sundance, Amerika. El sujeto muy enteresante se pasa en el merkado de fast food de falafel i humus en West Bank (Batı Şeria) entre los ısraelianos i Palestinianos. Es un filmo de muzik i komedia. En el filmo de 21 minutos ay un poko de bayle, un poko de muzik i muncho humus. El nombre del filmo moz akodra el famozo filmo de atras kuarenta anyos: West Side Story. Mos konta la rivalidad entre las botikas de falafel i humus Isrelianas i Palestinianas. Las armas son las komidas ke agrada a los dos puevlos: falafel en pita i humus. En esta historya el soldado Isrelyano David i la ermoza Fatima ke lavora en la botika de falafel se estan enamorando. Dospuez ke las doz partes se peleyan i keman las botikas, los namorados parvienen a azerlos pas i se aunisan (birleşmek) para vender en un lugar el humus a los klientes. Los spektatores pueden mirar al problem del Oriente Medio kon esperansa.
Sandel estava bushkando un sujeto para su filmo ke dara un mesaje de esperansa. El penso; kualo tyenen en komun (müşterek) los doz puevlos? La repuesta era el amor por la komida. El eskapo el filmo en 14 diyas. Dosupez su eskopo (amaç) era de embiyar este filmo a 3 lugares. Sundance en Amerika, Yerushalayim i Dubai. El festival de filmos kurtos de Dubai aksepto el filmo. Fista oy los de Dubai konosen a los Isrelyano komo matadores de cente. Sandel estava inyervozo kuando el filmo fue amostrado de delantre de 1000 Arabos kultivados. El empesijo no fue bueno. Un Arabo se alevanto i disho ke este filmo no esta amostrando komo estan sufriyendo los Palestinianos. Los spektatores dieron palmas. Un otro disho ke no esta amostrando lo ke esta azyendo Israel. A la fin una mujer se alevanto i se izo konoser komo una Araba de Gazze. Eya kontinuo en dizyendo ke el filmo le agrado muncho i keriya saver de ande se puede perkurar kopias para amostrarlo a la paryentes i amigos. Los spektatores tornaron en favor del filmo i fue una grande reushita.
Fista oy el filmo West Bank se amostro en 112 festival i gano 25 premios. La demanda de las kopias en DVD vino de Katar, Misrayim i otros paises Arabos.
(transledado de Jerusalem Post)
