El Oriente Medyo de muevo en rebuelta
La gazeta “Le monde” mos dize ke numerozas roketas palestinianas travadas a partir de Gaza se abatyeron estos ultimos dias sovre el Sud de Israel , kavzando lunes el 22 de Mayo la muerte de una moradora de Sderot.
Asta agora 113 roketas fueron travadas, a las kualas la aviasyon Israelyana respondyo kaji immedyatamente .
Ehoud Olmert se rendyo esta semana dos vezes, en esta chika sivdad Israelyana i el ministro del Eksteryor Tzipi Livni enkontro aya mizmo Javier Solana Alto Reprezentante de la Unyon Evropea .
Ephraim Sneh Vice ministro Israelyano de la Defensa akuzo los reprezentantes politikos del Hamas de ser responsavles de la situasyon i los amenazo de reprezalyas.
