Komemorasyon anual yena de fervor enverso una kolega inolvidable por sus kualidades morales komo intelektuales , por su asiduidad al lavoro, su derechedad profesyonal i su koraje delantre la muerte.
250 novelas fueron prezentadas al Juri literaryo kompuesto de los eskritores Feridun Andaç, Mario Levi, Liz Behmoaras, Kamuran Solmaz, Stella Hazbay ke las estudyaron i analizaron de una manera profesyonal.
8 distinksyones fueron echas:
Tres primeros premyos akordados a Bedi Gümüşlü, Elvan O. Eryurt, Ayşe Gül Sayman.
Tres mensyones a İzel Çiprut, Metin Solmaz, Şebnem Vitriner.
Dos premyos de insitasyon a los jovenes Sindy Şulam, Elif Ezgi Uzmansel.
Obtener un premyo es por seguro muy importante, ma lo ke es esensyal es de partisipar i es a las 145 personas ke mandaron sus eskritas ke prezentamos muestras sinseras felisitasyones i la ekspresyon de muestra grande estima.
