İngiltere Muhafazakar Parti Lideri David Cameron, yaptığı konuşmada kendini Siyonist olarak nitelendirdi. İsrail`in var olma ve kendini savunma haklarına inandığını söyleyen Cameron, İsrail`e yöneltilen boykotun da son derece yanlış olduğunu ifade etti
La muerte de un Ombre de Valor es syempre un evenemento dolorozo... dolorozo para su entorno immedyato, su mujer i sus ijos, dolorozo para sus amigos i tambyen para la Komunidad a la kuala el apartyene i ke el servyo durante largos anyos kon la fidelidad i el senso de responsabilidad ke lo karakterizavan.
Padre de muestra kolavoradera Dalya Maya, Silvyo Sayah era una ombre sonriente, komprensivo, avyerto al dialogo, i syempre pronto a sostener los ke se topan en el apreto.
Partisipamos a la dolor de su famiya i sus serkanos i les prezentamos la ekspresyon de muestra profunda tristeza.
Muestro kolavorador Elie Perahya ke lo konosyo de serka mos mando espontaneamente unas kuantas linyas eskritas a la sigida de este triste akontesimyento:
“Es kon un sentimyento de grande amargura ke dediko estas kurtas linyas a Silvyo Sayah, el “patron” komo lo yamava mi mujer durante el largo periodo ande se topavan en kontakto en el kampo karitativo.”
Konsejero del Gran Rabbinato, dedikado a la benefisensya, el mos desha el imajen de un ombre de Byen ke kumplio su dever de konsensya sin ruido kon simplisidad i buen humor.
El defendia la kavza de los desmazalados, de los ke tenian menester no solo de ayudo materyal ma sovre todo de karinyo i kerensya.
Silvyo va mankar muncho a muıestra komunidad, el mos dyo la prova ke la pasensya i la simplisidad son fermentos de efikasia.
Ke su alma repoze en paz.
Adios patron...”
