Rachel Amado BortnickDallas, TexasA mi nombre i al nombre de todos de la komunidad sefaradi virtual ke yamamos Ladinokomunita, felisitasiones kalorozas a la ermoza kehila Bet Israel de Izmir, a la okazion de su sentenaryo, ke se va fiestar el 25- 27 Djunio, 2007. Selim Amado, mi ermano, va azer parte del panel ke va diskutir ""Sien anyos de Bet Israel i los Djudios de Izmir".
Rav Yeuda ADONİ
Dizde ke muryo Miryam, se enkuvryo el pozo de agua ke kaminava kon el puevlo. Topandosen agora el puevlo mankos de agua, se rekojen todos sovre Moşe Rabenu i Aaron i toman a pelear kon Moşe Rabenu porke los kito del Ejipto i los yevo a este dizyerto ke no ay nada de bueno ni mismo agua para bever.
Moşe Rabenu i Aaron Akoen se deskorajaron munço de esta reolüsyon. Komo ke se fuyeron del puevlo i se entraron a el templo.
En el Mişkan, se los aparesyo la onre del todo podorozo i dişo el Kriyador a Moşe Rabenu ke rekojgan a todo el puevlo i ke digan a la penya ke les amostro ai ke kitara agua, i ke bevan todo el puevlo, eyos i sus bestyas. Moşe Rabenu tomo la vara sigun la enkomendo el Kriyador i rekojendo a todo el puevlo delantre la penya. Les dişo Moşe Rabenu kon ravyo: Sintid, reveyadores, kereş ke de este penya vos kitemos agua? İ Moşe Rabenu harvo dos vezes kon su vara a la penya, i salyo agua abondansa i bevyeron todo el puevlo i sus bestyas.
El Kriyador ke apunta kon los buenos. Asta el altimo grado, no topo custo este konporto de Moşe Rabenu i Aaron Akoen . Seya por lo ke se aravyaron kon el puevlo i los trataron kon palavras fuertes seya por lo ke se fuyeron del puevlo i no tuvyeron konfiensa en el Kriyador ke tyene el poder de azer unos milagros delantre todo el puevlo por ande no pensar. Sovre esto los dize a Moşe Rabenu i a Aaron Akoen ke por este pekado ke kometyeron no vana ser meresteynes de trayer a las ijas de İsrael a la tyera prometeda i ke devan murir en este dizyerto.
El puevlo cudyo arivaron a una montanya nombrada Or Aar. En este luguar los dişo el Kriyador a Moşe Rabenu i Aaron Akoen. Syendo ke Aaron nova entrar a la tyera pormetido por el pekado de las aguas kon esto ke se apronte para murir i esporterre de este mundo i la dize a Moşe Rabenu ke tome a aron i e Elazar su ijo i ke los suvo a la montanya Or i oyi ke lo oga deznudor a aron de sus vistidos de Koen Gadol i ke los age vistir a Elazar su ijo Aaron ke se kojga i muere de. Moşe Rabenu izo el komando del Kriyador i suvyeron los tres a esta montanya delantre del puevlo entero. Los deznudo a Aaron i lo vistyo a Elazar i muryo Aaron Akoen en la punta del monte i todo el puevlo de İsrael lo yoraron i lo endeçaron 30 diyas.
