Teshabeav: Dia de Luto
Dora NİYEGOTeshabeav, komo el nombre ebreo lo endika, tiene lugar el dia 9 del mes de ab (Julio- Agusto). En este dia de luto, el puevlo judio komemora la destruksion del Templo de Yerushalaim i la dispersion del puevlo de Israel. En este dia, los judios en el mundo entero, komemoran todas las desgrasias ke afitaron al puevlo judio: las persekusiones, las matansinas i los pogromes. En Teshabeav, kada judio komemora tambien la muerte de uno de su keridos o una desgrasia ke
Al tiempo, akel dia, los Sefaradis komiyan komidas tipika de luto en Teshabeav, komo lentejas i huevos duros. Muncha djente azen tanid ventikuatro oras dia de Teshabeav.
En las Sinagogas, se melda tekstos tristes, komo las lamantasiones de Jeremia. Anyos antes, las mujeres se arekojiyan en una kaza i aya, pasavan el dia sin komer ni bever, kantando ramansas tristes.
Teshabav no es un dia muy emportante en el kalendario judio komo son Pesah, Kipur i Roshashana, ma los Sefaradis dan grande emportansia a este dia. Los Sefaradis tienen una grande rikeza folklorika konsernando este dia de luto. Ay munchos kantes tradisyoneles eskritos por Teshabeav ma se konsidera mal oguro de kantarlos en los otros dias. Ay tambien munchos reflanes sovre Teshabeav: “Ke darse mi ijo, ke seyga en Teshabeav”, “Ke riyga mi ijo, ke seyga en Teshabeav”, “Nunka kamino mi fijo, ke seyga en noche de Teshabeav”.
En Teshabev, es tradisionel de no aserkarmos a los lugares de agua porke se supsona ke en este dia los espiritos malinyos estan kaminando entre mozotros.
