Dora NİYEGOTeshabeav, komo el nombre ebreo lo endika, tiene lugar el dia 9 del mes de ab (Julio- Agusto). En este dia de luto, el puevlo judio komemora la destruksion del Templo de Yerushalaim i la dispersion del puevlo de Israel. En este dia, los judios en el mundo entero, komemoran todas las desgrasias ke afitaron al puevlo judio: las persekusiones, las matansinas i los pogromes. En Teshabeav, kada judio komemora tambien la muerte de uno de su keridos o una desgrasia ke
Rav Yeuda ADONİ
El Kriyador le dize a Moşe Rabenu ke salga a la gera kontra los midyanim, por kavza ke izyeron verter la sangre de los cudyos. Despues ke se apronte, ke ya vino la fin de su vida.
Moşe Rabenu a un ke entendyo ke su muerto esta dekolgada en esta gera i saviya por siguro ke no se iva murir antes de azer la gera, kon todo, no perdyo tyempo de azer una ora antes el komando de dyos. Moşe Rabenu mando a Midyan 12 mil almos de cudyos a mil personas de kada trivo, debaşo el komandamyento de Pinchas, ijo de Elazar gerreyaron kon los midyanim i mataron a sus sinko reyes, i a todos los ombres I a Bilam ke estava kon eyos. Kemaron todas las sivdades.
El puevlo cudyo ya estava pronto de entrar a la tyera de Kenaan. Los trivos de Gad i Reuven tenian munças orejas i kuatro peas. Se les aziya menester luguares de apasentar a sus orejas. Vyendo ke los luguares ke tomaron del Emori, i de el Boşan eran unas tyerras muy visyozas, los grandes personajes de estos trivos se fueron onde Moşe Rabenu i rogaron si era posivle ke les dyera estas tyerras a eyos por sus parte de erensya, i ke no los izyera pasar a eyos a la frontyera por la otra parte de el yarden. Moşe Rabenu le desplaze munço esta demanda de los trivos de Reuven Gad I medyo trivo de Menaşe los dize: Vuestros ermanos ke vayan a gerrear kon sus inimigos, i vozotros kereş estar aki en vuestro repozo? İ los aze akodrar el pasaje de los meragalim, lo eskulkadores ke kavzaron de estar 40 anyos en el dizyerto. Los trivos ke izyeron esta demanda los prometen a Moşe Rabenu ke eyos vana gerrear alado de sus ermanos i kuando vana repozar todos sus ermanos en la tyerra.
Prometida vana tornar alado de sus famiyas en las tyerras ke eyos enveluntaron.
Moşe Rabenu les dize si vozotros vaja estar fideles en vuestra palavra ke prometiteş, estonses vaja tener merito, en la demanda ketuviteş. Si azeş la kontra vaja perdrer vuestra razon.
Los trivos de Reuven Gad i medyo trivo de Menaşe kedaron fideles en sus palavras i eredaron los tyerras ke eyos enveluntaron.
