El trokamyento de atitud de la İnstitusyon A.D.L. konsernando el pretendido jenosidyo de los Armenos en Turkia
provoko una grande sorpreza en muestro payis i una verdadera deskontentez en muestra komunidad.
Jak Kamhi, Prezidente de la Fundasyon del Kuinsentenaryo, protesto immedyatamente serka la dicha asosyasyon, objektando ke no se puede en ningun kavzo estableser una komparasyon entre “la represyon severa de un grupo de protestataryos armenos ke se avian revoltado, luchando i matando para reklamar territoryos” i “ la eksterminasyon sistematika, por razones unikamente rasyales, de 6 milyones de inosentes, kon el objetivo byen definido de eliminar enteramente el puevlo Djudyo.
