La muerte de un Djusto

ªalom Benhabib kamino syempre en el kamino de la djustisya, konsyente de su responsabilidad en kada akto de su profesyon i de su vida.
Desendyente de una ilustre famiya (su padre fue Gran Rabino de Bursa i prezidente del “Bet Din” de Turkiya-  una medalya figura en el Muzeo Djudyo de Estambol) ªalom aseguro el buen nasimyento de numerozas jenerasyones de ninyos i despues de kada parto el devenia un poko myembro de kada Mishpaha.
El era amistozo sin ser familyar, intervenia kuando el menester se azia sentir sin nunka forsar. En momentos de sekana, el savia guadrar su sangre fria i ansi dar konfiensa i esperansa. Su kalmo era proverbyal.
Para mi i munchos de sus amigos, Shalom Benhabib era un verdadero “Beyefendi” konfirmando ansi lo ke resentyo i eskrivyo Tilda Levi en el ªalom de la semana pasada.
Su disparisyon aflijyo munchas personas ansi ke vyejos amigos. Por munchos anyos,su nombre kedara bivo en las anales de muestra komunidad.
Ke su alma repoze en paz.

Elie PERAHYA