TIMNA el kamino de kovre

Ninet BİVAS

En el sud de Israel en indo para Eilat, 25 kilometros antes se topa un lugar muy grande kaji 2 oras i media de vijita onde un tiempo se kitava el kovre de la tierra. Las minas de kovre de Shlomo a Meleh eran muy famozas. A la entradura se topan statuas Egypsianas. Lavorar las minas de kovre empeso en Timna maz de 6000 anyos antes en el sinken siglo antes el Christo. Aki en Timna se topa unas de las primeras minas del mundo apartenedo a la epoka kuando los ombres se anbezaron por la primera vez a kitar el kovre. La revolusyon teknolojika es aki ke empeso kuando en la historia del los ombres el metal se utilizo por la primera vez en la vida de kada dia. De el 14 en siglo asta el 11en siglo antes del Christo los Egypsianos establizaron en este lugar una grande enstalasyon para obtener el kovre. Era en los dias de Pharaon Seti fista Ramses V. Los Midianites ke rezidavan en el norte de la penensulia Araba  eran haveres en esta aktividad. Los Egypsianos utilizavan aznos para transportar el kovre al uniko porto natural Gezirat Faran, de muestros dias serka de Eilat. Los arkeolojistos toparon ke el Rey Shlomo renovo i frauo este lugar ke es allado de Eilat en el bodre de la mar en la tierra de Edom. Dospues de los Egypsianos en el 1er i 2 siglo Los Romanos lavoraron las minas de kovre i los Arabes ultimamente.
Las exkavasyones fueron dirijadas i expozadas ay trenta anyos por la expedisyon de Arava onde el profesor Beno Rothenberg esta en el kapo.