Klara PERAHYAMe ekskuzo enverso mis lektores por el retardo ke meti a darles un chiko relato sovre la pyesa de teatro eskrita por Yakup Almelek, el kual tuvo la enorme amabilidad de mandarmos un egzemplar, ofresido grasyozamente kon una notisya diktada por la amistad.
Dora NİYEGO
‘Harry Potter’, Daniel Radcliffe, esta azyendo donasion a una ekspozion de los horrores del Holokauto, los entojos ke el vistiya kuando era un ijiko de sesh anyos.
El mansevo de diziocho anyos, Radcliffe,‘Harry Potter’, tiene madre judiya. Komo lo savemos, los entojos ke el vistiya kuando era chiko, tiene una forma oval de kolor griza- metal. Jason Isaacs, el sinistro en el mezmo filmo, va partisipar tambien a la komemorasion.
Endjuntos kon Daniel Radcliffe, Yoko Ono (la mujer de John Lennon del grupo Beatles), Jerry Springer (ancharman), Tony Blair, otros personajes selebres, i miembros del Publiko estan azyendo donasion sus entojos a la mezma ekspozision.
Estos todos entojos se vana atar uno kon otro, i vana tomar la forma de un kamino de ferro (de treno), para rekodrar los trenos ke yevaron las viktimas de los Nazis, a los kampo de konsantrasion en la Evropa entera.
La ekspozision se va avrir en Liverpool, en el ventiuno de Enero. El diya de la komemorasion del Holokausto es el ventisiete de Enero, siendo el aniverserio de la liberasion de Auswitz.
La komemorasion va ser una seria de konferansias, ekspozisiones, ekspektakulos, rekodrando las atrosidades i los jenosidios de los Nazis.
Este projekto de ‘entojos atados’ es ‘una ovra de arte simbolika’ para amostrar a la djente, ke lo emportante es, de no olvidar los horrores del Holokausto, i de gerreyar kon el predjudizmo en el mundo entero.
Los organizadores de la komemorasion estan bushkando un total de sien i diez mil pares de entojos. Kuando estos entojos vana ser enstalados en el prinsipal salon (Town Hall) en Liverpool, los espojos del salon vana multipliar el numero de entojos, i vana dar una aparansia de trezientas i trenta pares de entojos, siendo el numero estimado de Judiyos Inglezes ke murieron en el Holokausto.
El direktor de este projekto, Jean Evans, esta dizyendo ke,su objekto es de rekodrar a la djente, los horrors del Holokausto kon una repuesta artistika.
Duspues ke la ekspozision se va eskapar, los entojos de los selebres, se vana vender kon presios altos, i la ganansia se va dar al grupo, Vision Aid Overseas.
El Holokausto es una grande veruensa para la Istoria Evropeana. Esta komemorasion es en mezmo tiempo, una okazion para efasar la kondakta negativa, kontra los ke son ‘diferentes’, i las minoridas en el mundo entero.
El objekto es de amostrar ke ‘Diferensias traye rikeza a un pais’.
El prinsipal objekto de este diya es de asigurar ke los horibles asesinatos, el rasizmo i la viktimizasion del Holokausto nunka vana ser olvidados, i nunka vana ser repetados. El mesaje de este diya es ‘Estomos todos atados endjuntos en opozandomos al predjudizmo i a todo modo de asasinato’.
El tema de este anyo es ‘Imajina, Rekodra, Reflekta i Reaksiona’. Imajinavos las vidas i las negras eksperiensas de las viktimas i de los survivores.
Este anyo muevas maneras kreativas se estan empleyando para ekspresar las atrosidades del Holokausto.
‘En serviendomos del arte, de los selebres, i de la Media, estomos yamando la djente a tomar aksiones kontra todo modo de predjudizmo’ estan dizyendo los organizadores. El mesaje del Holokausto va ser siempre:
REKODRA EL PASADO, REFLEKTA EL PREZENTE I REAKSIONA PARA KREAR UN FUTURO MIJOR.
