Telaviv ya esta kansada del slogan "La sivdad sin kedar" (?r le lo afsaka) i esta bushkando una mueva imajen par prezentarse al mundo. Ya se esta aserkando los 100 anyos de aniversaryo de la fundasyon de la sivdad en 2009. Un grupo de la munisipalidad esta lavorando para topar un slogan maz maturo ke va reflektar las diversas populasyones ke moran en Telaviv.
La sivdad se angajo kon una firma renomada enternasyonal de publisidad para lavorar ensima del muevo imajen. El primero model bazado sovre el slogan de muestros dias pezenta Telaviv komo una sivdad kon pasatyempo sin fin. El sigundo reprezenta Telaviv komo una sivdad liberal i avierta onde "todo es possible". El treser model reprezenta la kolor i la variasyon de la sivdad. I el kuatren model prezenta Telaviv komo un sentro kultural de ?srael apuntando las diversas aktividades kulturales ke tienen lugar en la sivdad durante el anyo entero.
Se ekspekta ke fina unas kuantas semanas la komite ve eskojer uno de los kuatro modeles komo la mueva imajen. El buto es de topar un slogan ke va distinguir Telaviv de las otras sivdades, atirar turistos, ombres de echo i rezidentes mas mansevos. Agora los kuatro modeles se estan estudiando i uno dentre eyos ke va tener el mas grande potensial de avansar la sivdad i sus butos en los anyos siguentes va ser elijido.
(Jerusalem Post)
