En los dias proximos se aspera inyeve en la kapital. Uri Lupolanski, el mayor de Yerushalayim anunsyo lunes ke las personas sin kaza seran instalados en los oteles. Sigun el
plano
“Kaza kaynte” los ofisiyales de bienfezensya fueron rekomendados de topar un abrigo a todas las personas sin kaza fista ke pasa el friyo. Todos los rezidentes de Yerushalayim estan rogados de avizar a la munisipalidad en kavzo ke enkontran personas sin kaza en el kamino. Alhad Yerushalayim entro en alerta de inyeve. Las previzyones meteorolojikas endikan ke la inyeve empesara martes la tadre. Los lavorantes de la munisipalidad estan prontos para alimpyar las kalejas i echar sal. Magen David Adom anunsyo ke esta metyendo su personel en alerta i esta azyendo palnos para tomar ayuda de los voluntaryos.
El tyempo va empesar a yelarse lunes la tadre i avera muy friyo martes la noche fista jueves. Una ves a los syete anyos kaye muncha inyeve a Yerushalayim. Sigun las istatistikas ay 200 persoans sin kaza, addiktos de alkol i hapes.
(
Jerusalem
Post)
