El mizmo sistema solar del muestro se deskuvriyo por un grupo enternasyonal de siyantifikos donde astronomas de la Universitade Telaviv tienen parte. El raporto aparesyo en el renomado Science Journal.
El sol i las muevas planetas ke tornan al entorno son muy diferentes kompradas kon las muestras, en pezo i distansyas entre eyos.
Lo maz de las otras sistemas fueron deskuviertas en mezurando la distansya entre las planetas i el sol, disho el Dr. Caspi de la universita de Telaviv. Estas variasyones son kavzadas por la fuersa de gravitasyon de las palnetas. Esto es el teknik utilizado espesyalamente para topar planetas pezgadas komo Jupiter ma ke son serka de sus sol.
Las muevas planetas fueron deskuviertas por una mueva teknik: Un tipo de “lens” ke agradnese las luzes muy leshanas. Esto es el fenomenon La teoriya jeneral de la Relativite predizida por Albert Einstein. Kon esta teknik es posivle de topar si egzisten chikas planetas ke se topan a una grande distansya de la estreya madre.
En indo dedetras de la luz del sistem solar en la direkson de la ora en una perioda de doz semanas kon teleskopes muy huertes los sientifikos pueden konkluir la egzistensya de planetas. Mizmo ke el muevo sistem topado parese muncho al muestro, es munco mas chiko.
Las informasyones dela Universitade Telaviv del observatoryo de Mitzpe Ramon fueron muy vital por la deskuvierta. Solo sinko planetas fueron deskuviertas kon la teknik de “lens”. Estan esperando topar otras semejantes planetas. Puedeser ke egzisten planetas komo la Tierra. Enkavzo ke ay otras komo muestro mundo se deskuvriran en serka.
Jerusalem Post
