Los estan yamando los pasharos de la Murayade Lamentasyon (Ağlama duvarı). Estan mensyionados en el livro de Yeremiah.De miles de anyos por aki vyenen a Yerushalayim kuando se aserka la primavera. Kuando ayegan estos pasharos de kolor preto marron a la sivdad santa kada anyo a la mizma sezon no eskojen otro lugar para los nidos ke el resto de la muraya del lugar santo de los Judyos.La desizyon de kedarsen en la Murayano es un chiko evenimyento. Los pasharos migratores durante sus vida de syete anyos pasan el tyempo en el sielo komyendo insektos. Estos aretan de bolar solo para azersen lugar de abrigo. Komo otros pasharos no azen los nidos (kuş yuvası) en las alturas de los arvoles ma aryento de los chatlakes de los edifisyos.
ısrael es la primera eskala antes de ir a Evropa para los pasharos ke pasan lo mas del anyo en el kaynte temperamento de Afrika del sud.
Arrivan a ısrael a la fin de Febreyo i pasan 100 diyas en el payis; algunos azen uevos, los maz chikos exploran el lugar. Se pueden enkontrar afuera de Yerushalayim,en Telaviv, Haifa i mizmo en Beersheva.
La Muraya de Lamentasyon es antiguo i alta muraya onde ay munchos chatlakes ensima. Esto provoka un koriyente de ayre kaynte ke se va por arriva. Dunke es un lugar ideal para azer nido i uevos.
120 a130 pasharos viene kada anyo. Los primeros pasharos vinyeron la semana pasada; una organizasyon tuvo lugar en la plaza de Lamentasyon para fiestar el arrivo.
