David ALTARAS
“Despues de Purim Platikos”, se dize kuando una onor o un regalo ke no se aze al tiempo. Kere dizir kedar en retardo. Tale mio kavzo. Munchos de mi amigos ke estimo i ke konosko aviyan eco omaje en eskriviendo las empresyones nel salom sovre la pierdita del sinyor Elie Perahya. Yo asperi ke todos ke dezeyava eskrivir. Eskriva para ke me venga a la fin mi torno. Demando eskuzas. Elie Perahya, mi ermano. Mi amigo, mi konfidente, mio livro, mio ansenyante ke l’avia konosido 30 anyos antes. Me akodro del primo enkontro los brasoz avyertos ke mi abrasava. I esto fue fin la ora ultima. Kon tiempo konosendelo mas muncho mi konsideri komo un amigo privelejiado. Este estado mi dava el kroje de ir a vijitarlo frekuentamente. Estas vijitas para mi fueron un eskola de alto nivel i me dava l’opurtunitad de mi aserkar mas muncho i konoserlo de mas serka. En kada vijita me yenava entelektualamente. Eti kamente ke mi davan una grande semerita, felisitad i satisfaksiyon.
Leşos de todo modo de pedamtismo si mias observasiyones no me deşan enganyar, penso ke Elie Perahya teniya en la mano un trepido de tres piedes ke son:
Saver Amar: “Amaras tuyo proksimo komo tu mismo”
Saver Dar: Dar de alma i korasan sin asperar.
Saver ser mo desto: De no olvidar ke la modestia es el paso de la eskalara ke yeva a la vertua.
Estas tres pensadas de baza fueron la yave ke avriva todos las puertas seradas de la umanitad.
Durante toda su vida todo modo de lektura, de viajes, de musika pasavan a traves de este trepido deshando ensima algunas kozas presiozas.
En efekto un buen diya mi a tendido un livro. Las ojas del kual estan eskritas kon una kaligrafia ekstraordinaria; el kontenido era kompuesto de diços, de pemsamientos eskojidos. Uno mas ermozo ke l’otro. Deskuvri un mundo deskonosido. Riko yeno de ermozuras ke te forsa a pensar, a meditar a reflehar. Si tanto ke ayuda a aver una mueva viziyon, a avrir muevas ventanas. Este livro fue empasado a ser eskrito desde la mansevez del sinyor Elie Perahya. Elie me deşo en vida la erensya siguiente:
“El templo del Rey Salamon estuvo konstruido por ombres de buena fe i avyendo la saviduria del korason”
“Las nesesidades materiales del mio proksimo sen nesesida des espirituales por mi”
Rabbi İsrael Salanter
Por akavar: Ken fue Elie Perahya?
Elie Perahya fue por mi el ombre de la savidura del korason!
Es fasil de dizirlo. Pero muy difisil de pueder ser lo.
