Dos de muestras kolavoradoras en la Alegria
“Una ija nasyo en las famiyas Sevevi i Bivas”
Una ija nombrada Liya entro en la kaza de Elda & Sabi Sevevi, amada de los Syelos i de la djente, mazaloza i venturoza,
El Dyo ke la bendiga i ke syempre la guadre de todo modo de mal.
Todas muestras felisitasyones i muestros sinseros suetos a los jenitores ansi ke a los
Granparyentes Ninet & Izak Bivas i Meri & Boni Sevevi.
Kontentes i prosperidad en sus vida ansi ke amor i gozo en sus korason..
Ke syempre ayga Rizas en la kaza de Nükhet & Izzet Molina
Inyeta de Dolly & Rifat Saban ansi ke de Korin & Albert Molina
Katia izo su entrada en la famiya de Nükhet & Izzet Molina, entornada de amor i kerensya, dichoza, i komblada de todo bueno.
Kon eya yegara tambyen al mundo la Paz, la Kerensya i la Buena Voluntad.
Ke su vida sea larga, syempre yena de alegria, prosperidad,gozo i armonia.
Muestros mijores dezeos a las famiyas Molina i Saban...
Berit-Mila en Tyerra Santa
La novedad del Berit-Mila en Tyerra Santa de
Mordehay Moti ijo de Hezi i Şeyda Bardavid i inyeto de muestra kolavoradora Zelda & Elyo Tarablus ansi ke de Janet & Dr. Mordehay Mordo Bardavid fue una grande alegria para muestra komunidad.
Ombre de buena ventura, mazalozo i prospero ke seya. El Dyo ke lo bendiga i syempre lo proteje.
Muestras kalorozas felisitasyones i muestros sinseros sentimyentos de amistad a las famiyas Tarablus i Bardavid.
