Daniel LEVİ / İzmir
Keridos Lektores,
El 10. junio.2008 a las horas 18:00 partisipimos a la fiesta ke la Komunidad Judiade Izmir organizo en la antigua Sinagoga de “ La Sinyora” a la okazyon de la fiesta de Shavuot.
Mas de 100 miembros esatavan presentes, Chikos, Grandes de kada edad. Entre eyos por siguro, los presidentes i miembros de las ovras de bien fesensya de la komunidad.
La serremonia empeso kon el adreso de el Sinyor Jak Kaya Presidente de la komunidad.ke felisito la fiesta de Shavuot.
El Hazan HaKahal Moti Katan avlo sovre la Fiestade Shavuot i sovre lo ke devemos de entender i azer sovre esta fiesta.Kuando Moti termino sus palavras las kriaturas de el “Sunday School” iziyeron una presentatsyon sovra la salidura de Ayifto i la resepsyon de la Leyen el Monte de Sinay. Esta presentasyon fue muy reushida i los esforsos de las kriaturas fueron aplodisidos kon muncha fervor por la assistensya.Despues de la presentasyon, un barkovision sovre las aktivitades de la Sunday Schoolde el anyo pasado fue monstrada a la audiensa.
A el terminar de el barkovizyon, un cock-tail fue dado en la guerta de esta magnifica Sinagoga mueva restorada.
Durante este Cock-tail ke paso kon muncha amistad onde muestros ermanos i ermanas se renktroraron, Muestros Jovenes
la Sinyora Nitsa
Cikurel kon el Sinyor Sabi Aji mos dyeron un concert de las kantikas de muestra Juventud en inglez i en fransez ke fue muy perfecto. La kualidad de sus musica era muy profesyonel.
Para toparmos en buenas okasyones.
