Las prensas Israelyana i Franseza mos ambezan ke...
El filozofo Djudyo Fransez, Bernard Henri Levi resivyo amenazas de muerte de la parte de un grupo terroristo lokalizado en Beljika.
Antes de empesar su ofensiva terresta, Israel anunsyo ke los moradores de Gaza ke tenian dos pasaportos eran otorizados a fuir los bombardamentos, via el terminal de Erez.
Ansi, Vyernes el 2/1/2009, kaji 300 palestinyanos de Gaza ke tenian la doble nasyonalidad i posedavan un pasaporto de los Estados Unidos, Rusia, Turkia o Kazakhistan se prezentaron delantre el pasaje Erez ke se topa entre Israel i Gaza.
Lunes la noche, verso la ora 21.40, en un kuartyer sensivle de Toulouse-Fransa, un karo kontenyendo kokteyles molotov fue pushado kon violensa kontra las reshas de entrada de una sinagoga ande un Rabino estava dando un korso Talmudiko a yahidim de edad madura.
Loores al Dyo, no uvo ninguna viktima.
El CRİF (konsilyo reprezentativo de las İnstitusyones Judias de Fransa) yamo Alhad el 4/1/2009, a una manifestasyon silensyoza de solidaridad kon las viktimas Israelyanas del Hamas.
Muestro grande amigo Haim Vidal Sephiha mos mando el teksto del komunikado ke fue emetido de la parte de la Embashada Israelyana de Paris: Vos transmetemos dos paragrafos muy interesantes.
1) Hamás utiliza a su población civil como escudos humanos para evitar que sus sedes, arsenales, etc. sean bombardeados. Esta práctica les ha sido eficaz en muchas ocasiones porque el fin del Ejército israelí no es dañar a la población civil.
2) El Ejército de Defensa Israelí no actúa sin antes avisar a los ciudadanos. Telefonea casa por casa a sus ocupantes para que evacúen ya que se encuentran en zonas de objetivos militares.
