Primera Boda despues de 20 anyos de silensyo en la Sinagoga de Ankara
Evenemento yeno de alegria i tambyen de una profunda sinyifikasyon, despues de 20 anyos de silensyo, el 13 del mez pasado, la ermoza Keila de Ankara se incho de muevo de bendisyones i imnos nupsyales a la okazyon de la Unyon de
Belkiz ija de Kaden i Bahri Kutlar kon
Nedim ijo de Neşe i
Musa Yolak
Aunke no mora en la Kapitala, Nedim Yolak insistyo a selebrar su boda en la Sinagoga ande sus propyos djenitores avian resivido el Kedushim.
Rav Yeuda Adoni realizo este inolvidable akontesimyento, en prezensya del presedente prezidente de la Komunidad de Ankara “ Yuda Yürüm” ansi ke de su Ekselensya “Gaby Levy” Ambashador de Israel en Turkia i de mas de 300 kombidados paryentes i amigos.
Ke esta unyon sea un prezaje de felisidad, armonia i eternal kerensya.
Todas muestras felisitasyones i muestros dezeos de kontentez a las famiyas Kutlar i Yolak.
Las famiyas “Akohen” i “Kohen” rikas de un muevo myembro
İjo de “Dalya i Yusuf ” i İnyeto de “Klodet i Jojo Kohen”:ansi ke de “Dalya i Kemal Akohen”:
Derin Akohen
resivyo en su puerpo el sinyo el mas sakro del Djudaizmo
Su Berith Mila fue realizado i fyestado en una atmosfera de alegria i de grande entuzyasmo, en prezensya de numerozos paryentes i amigos.
Ke su vida sea syempre yena de rizas, kontentez i kerensya ansi ke un prezaje de felisidad para su famiya, su komunidad i su payis.
El Dyo ke lo bendiga i syempre lo proteje.
Todas muestras felisitasyones a las famiyas Kohen i Akohen.
La Keila de Büyük Ada onorada por la vijita de Rishon le Tsion Rav Eliyau Bakshi Doronu
De pasaje en muestro payis, el presedente Gran Rabino Sefardi de Israel
Rav Eliyahu Bakshi Doron
onoro de su prezensya la sinagoga de Büyük Ada, yena de notavles i myembros de muestra komunidad.
El tambyen vijito el Gran Rabinato i fue resivid’o por los myembros del Konsilyo Rabiniko ansi ke Komunitaryo.
