46 mansevikas fyestaron sus Bat-Mizva
Syempre en la alegria, syempre en la atmosfera yena de emosyon i entuzyasmo de la Sinagoga Neveşalom en su dias de fyestas 46 donzelas a la flor de la edad i al portal de una larega vida ke sera prospera, armonyoza i provechoza, resivyeron la bendisyon relijyoza de futuras mujeres i madres djudias kon todo lo ke esto komporta de responsabilidad i de kontentez.
Eyas son las ke (kada una lado kon lado kon el ke sera su kompanyero de vida) aseguraran la perenidad del judaizmo al interyor de la famiya... eyas son las ke van transmeter el mensaje bibliko a las jenerasyones a venir.
El Dyo Baruhu ke bendiga sus futuro.
De muestra parte, dezeos de prosperidad, gozo i satisfaksyon personal.
Alegrias en la somptuoza Kehila Neveşalom
La grande Sinagoga de muestra sivdad fue una vez mas la maraviyoza Shena de grandes konsekrasyones i es kon una emosyon mesklada de kontentez, ke fueron fyestadas , en una atmosfera yena de kantes, alegria i satisfaksyon, las bodas de:
Şeyla ija de Jana i Izzet Bahar kon Enis ijo de Perla i Izzet Taragano
Ansi ke de Nili ija de Ester i Anri Imano kon Albert ijo de Rifka i Bohor Konur.
El Dyo Baruhu ke bendiga estas dos unyones i ke eyas sean syempre prosperas, yenas de dias i enventos alegres, ansi ke de amor i paz.
Todas muestras felisitasyones a las famiyas “Bahar-Taragano” i “Imano-Konur” i muestros sinseres dezeos de felisidad.
