6 anyos antes, el 15 Novembre 2003, una demanyana de Şabat, nombrozos de muestros korelijyonaryos pyedreron la vida sin kulpa ni razon... Ombres, mujeres, ninyos i mansevos a la flor de la edad, ken en estado de orasyon ken en la fervor del kumplimyento de un dever sakro de solidaridad umana, fueron salvajemente matados...
Asaltos terroristos, aktos de nihilizmo absurdos i vazios de senso, eyos fueron perpetrados por el solo menester de eksterminar i kon el solo objetivo de todo aneantir sovre sus pasaje.
Djuevez la tadre, mos aunaremos mozotros todos, ermanos de kreensa, de sentimyentos i de destino... evokaremos todos endjuntos la memorya de las viktimas, eyas ke no son mas en este mundo, afin ke nunka dezapareska el rekuerdo amargo de sus muerte.
