Alegria en las famiyas Yanarocak i Albukrek
Muestra talentuoza kolavoradora Sara i muestro kerido amigo David Yanarocak se enrikesyeron de un primer inyeto ke se yamara “Gay David” nasido en Tyerra de Israel de dos valorozos mansevos orijinaryos de muestro Payis Lisya i Soni Yanarocak.
El traera a su payis i al de sus jenitores, prosperidad , alegria i paz. El Dyo ke lo bendiga.Muestras sinseras felisitasyones a sus jenitores “Lisya & Soni Yanarocak” ansi ke a sus avuelos “Violet & Yusuf Albukrek” i “Sara & David Yanarocak”.
Una ermoza boda en el kal Neveşalom
Muestro valorozo kolavorador de Boston “Izi Darsa” ijo de muestros keridos amigos “Öjeni & Avram Darsa” auno su vida en el Kaal Neveşalom, para una larga vida de felisidad, armonia i prosperidad, kon “Yamie Brauner” ija de “Marc & Suzan Brauner”. El Dyo Baruhu ke bendiga sus unyon.
Todas muestras felisitasyones i muestros mijores dezeos a las famiyas Darsa i Brauner.
