-

Triste komemorasyon

Djuevez pasado el 13/08 la trajika muerte del Dentiste Dr. Yasef Yahya viktima de un akto de terrorizmo absurdo i inumano, fue komemorada en el simetaryo Ashkenaz de Ulus. La tristeza es syempre grande en el korason de sus serkanos ansi ke de todos los myembros de muestra komunidad  ke lo konosian i lo apresyavan por su personalidad rika de kualidades afektivas i intelektuales.

Muestra afliksyon keda intakta ansi ke muestros sentimyentos de profunda simpatia enverso todos los ke de serka o de lshos yoran por su pedrita.

El 21 del mez koryente komemorasyon del  primer asalto terroristo en muestra sivdad

Ay de esto 23 anyos, una demanyana de Şabat un grupo de yahidim djudyos en estado de orasyon, profundamente atados a sus fey, fueron atakados  subitamente i matados sin ezitasyon ni remorso por una banda de sanginaryos, sovre baza de una falsa interpretasyon de sus preseptos relijyozos. Mansevos i aedados muryeron kruelmente en la dolor i el espanto, deshando detras de eyos, mujeres, ijos, padres i madres amargados por la vida. Sus muerte sera komemorada vyernes el 21 del mez koryente.

Maldicha sea la violensa, maldichos sean el odyo  el menospresyo .