Afin de no desviar del kamino derecho Raşel Kalderon.
Todo era dezyerto, no avia ningun ruido...la noche avia kuvrido las kozas..todo era oskuro....el se sentia solo, no avia metido nada en boka desde kuatro dias.
El avia kaminado sin kedarse, ma el futuro no lo espantava mas… el persivia komo una luzizika en las tinyevlas ...el savia ke iva salir triunfador en la situasyon ande se topava enserrado. No era mas el mizmo dezespero… el iva luchar i kontinuar en el kamino derecho. El kedara syempre un ombre onesto. Puede ser ke su vida no sera muy larga, ma el no mankava de esperansa.
Sea lo ke sea, todo sera mijor i amanyana sera un dia ainda mas ermozo, amanyana sera la renovasyon. Todo sera yeno de flores i parfumes… el savra asperar, no tenia mas nada a pedrer ma todo a ganar.
