La muerte de Edward Kennedy es una grande pedrita para la lucha sosyal de los Estados Unidos ...defensor konstante de la klasa desfavoresida, luchador por el derecho de los proves i la igualidad de kudyos medikales entre rikos i menesterozos, el era tambyen un grande amigo de Israel.
En uno de sus diskorsos, Barack Obama disho; “El mundo se akodrara de el komo del ‘Shampiyon de los desfavoresidos’, ‘la Alma del Partido Demokrato’ i ‘el Leon del Senato’. Kaji todos los elementos de muestra lejislasyon ke permetyeron de azer adelantar los derechos sivikos del puevlo rezultaron de sus esforsos....”
De su parte Benyamin Netanyahu deklaro: “Edward Kennedy fue un grande patrioto Amerikano, el shampion de un mundo mijor, un grande amigo de Israel... Mos va mankar kruelmente”.
