El grande eskritor Amerikano de orijen djudia Jerome David Salinger muryo la semana pasado en el silensyo ande el mizmo se avia enserrado desde un muy largo tyempo.
El fue i es ainda uno de los autores los mas meldados en los Estados Unidos, sujeto de admirasyon para munchos eskrivanos, por la libertad de su estilo ke revolusyono la manera de eskrivir literarya.
Nasido en el anyo 1919 el se retiro prematuramente en una soledad kaji impenetravle malgrado el ambiente elojyozo, ande el se topava.
Ke fue la razon de su desizyon de romper el kontakto kon el mundo ekteryor? niguno pudo desbolver esta enigma.
